سلطة البطاطس سهلة وسريعة التحضير وجديها للغداء او العشاء طبق كامل متكامل

سلطة البطاطس سهلة وسريعة التحضير وجديها للغداء او العشاء طبق كامل متكامل

السلام عليكم كي دايرين نتمنى تكونوا بخير وعلى خير وانتما كتشوفوا الفيديو د اليوم دائما وفي اطار السهل والاقتصادي بما انه الحراره هذه كنبغيو شي حاجه اللي تكون ساهله ماهله ماكتاخذش لينا بزاف ديال الوقت خصوصا مع هذ الحراره ماكنبغيوش نبقاو واقفين مده طويله في الكوزينه غنشارك معكم هذ الشلاده بالخضره كتجي زوينه بزاف سهله واقتصاديه ومشبعه على بركه الله بالمقادير اول حاجه هنا خديت خيزو بالنسبه لي انا خديت جوج ديال الخيزوات اللي متوسطين كنحيد ليهم القشره ديالهم وكناخذ البطاطا انا هنا خديت جوج بطاطات كبار وواحده صغيره بالنسبه للبطاطا والخيزو غديروا الكميه اللي بغيتوا على حسب عدد الافراد ديال الاسره ديالكم كنتوا بزاف را غتزيدوا الكميه كنتوا قلال غديروا غير القياس ديالكم صافي هنا من بعد ما قشرت الخيزو قشرت البطاطا حتى هي هنا غادا ندوز نعاود نغسلهم ومن بعد غادا ناخذ الخيزو كنحيد ليه القلب دياله ما كتعرفوا دابا هذا الوقت ديال الخيزو ماكيبغيش يطيب بالقلب دياله هذ الماركه كيقولوا لها العنطيز هو اللي كيكون في هذا في الصيف صافي كنحيد ليه القلب دياله من بعد غادا ندوز باش ك نقطعوا قطع اللي بنفس الحجم كنقطع قطع صغيره بالنسبه للخضره ما قلت لكم غديروا على حسب عدد الافراد ديالكم هذه الوصفه كتجي زوينه بزاف سهله اقتصاديه ما كتاخذش معنا حتى خمسه دقائق كتكون واجده وصفه اللي مشبعه نتمنى انكم تجربوها وتعجبكم وبالنسبه للناس اللي مازال ما اشتركوش معايا في القناه نتمنى تشتاركوا معايا وتفعلوا الجرس باش ديما يبقى يوصلكم كل فيديو جديد بالنسبه للناس اللي كيبقاو يتشكاو ان الفيديوهات طوال لا الفيديو ديري غير فيدقيقه غير في جوج دقائق علاش كتشاركوا معنا كيفاش كتنقيو الخضره را كاع كنعرفوا نقيو بالنسبه لينا حنا كمبتدئين في اليوتيوب ضروري كنبغيو ندير فيديوهات اللي طوال باش ك يلا كنجمعوا بهم دوك الشروط اللي طالب لينا اليوتيوب عندك 4000 ساعه خصك تجمعيها في مده ديال العام ذاكشي باش كندير فيديوهات اللي طوال شويه لو كان جات علينا حنا را نعطيكم الوصفه غير في الدقيقه صافي هنا من بعد ما قطعت الخيزوات هنا غادا نزيد عليهم جلبانه كميه اللي بغيتوا كانت عندي جلبانه في الفريكو من بعد غادا ندوز نقطع البطاطا حتى هي مربعات ما قلت لكم في الاول تقدروا تستعملوا الكميه اللي بغيتوا ديال الخضره بغيتوا ديروا غير بطاطا بوحدها تقدروا ديروها كتجي وصفه اللي زوينه بزاف سهله ومشبعه نديروها هكا الغداء ولا العشاء بلا ما نحتاجوا نرافقوا معه حتى شي حاجه هذ الوصفه زوينه وكتعجب الوليدات بزاف ما كانوش كيبغيو ياكلوا لكم الخضره ديروا لهم هذ الطريقه هذه را غتعجبهم بزاف بزاف صافي هنا من بعد ما ساليت التقطاع ديال البطاطا غادا نديرها في الكاسرونه ومن بعد غادا ندوز نزيد عليها الماء هنايا الا بغيتوا الخضره تفخروها في الفخار تقدروا ديروها انا غنسلقها غير في الكاسرونه غادا نزيد عليها كميه ديال الماء اللي طيب لي الخضره كامله وغادا نزيد عليها شويه ديال الملحه صافي وغنديرها فوق البوطه ونخليها حتى كتسلق الخضره مزيان ونتلاقاو من بعد صافي هنا من بعد ما تسلقات لي الخضره ما كتشوفوا معايا خديت واحد الصفاي وغنصفيها من الماء ديالها صافي وكنخليها حتى كتسقطر مزيان وتبرد بغيتوا ديروها في الثلاجه ديروها بغيتوا تخليوها غير فوق سطح العمل نخليوها خديت ثلاثه ديال البيضات اللي سلقتهم وخا هنا غيبان لكم را كاينين غير جوج بيضات ونص هنا ثلاثه البيضات اللي سلقتهم وكنحاول انني نعزل الصفر على الابيض بالنسبه للصفر كنخليه جانبا والبيض كنقطع قطع اللي يكونوا شويه كبار باش كيبقى باين لي في الشلاده هنا كنحيد دوك النقيطات اللي كيكونوا في البيض كيكون اللون ديالهم احمر كنحيدهم صافي وغنقطع بغيتوا ديروا هذا البيض ديروه ما بغيتوش اختياري ولكن من الاحسن ديروه كيجي زوين بزاف صافي ما قلت لكم هنا غادا نقطع هكايا باش كيبقى يبان لي شويه وبالنسبه للصفر غادي نحكه هكا في الحكاكه الرقيقه صافي هنا من بعد ما بردات الخضره ما كتشوفوا معايا غناخذوا شي اناء كنفرغ فيه الخضره ديالي من بعد غادا نزيد عليه هنايا استعملت الذره الذره المعلبه درت بواطه من بعد غادا نزيد عليها حك الطون تقدروا تزيدوا معها حتى البصله مقطعه قطع صغيره وغادا نزيد عليها الزيتون اخضر مقطع كان عندكم كورنيشون حتى هو ديروه انا كان عندي غير الزيتون الزيتون الكحل حتى هو كان عندكم كيجي زوين بزاف من بعد غادا نزيد عليها البيض المسلوق اللي قطعت من قبل وغادا نزيد عليها شويه ديال المعدنوس وهنا غا نزيد نزيد عليها واحد الكميه ديال المايونيز من بعد غادا نزيد عليها شويه ديال الملحه غير شويه حيت سبقت وسلقت الخضره في في الماء والملحه وغادا نزيد عليها البزار بالنسبه للعطريه درت غير الملحه والبزار وغادا نزيد عليهم شويه ديال زيت الزيتون صافي اكتفيت غير بالملحه والبزار وزيت الزيتون صافي وغنخلط كلشي مزيان حتى كتلبس لي ديك الخضره مع المايونيز وكيتخلط لي جميع العناصر مزيان مزيان بالنسبه لصفار البيض ماغاداش نديره معهم دابا غنخليه حتى الاخير وكنزين به بالنسبه للناس اللي كيشوفوا الفيديو حتى لهذ اللحظه هذه كنشكركم بزاف على المشاهدات ديالكم ونتمنى من الناس الجداد انهم يشتركوا معايا في القناه ويفعلوا الجرس باش ديما يبقى يوصلكم كل فيديو جديد وان شاء الله غادا نشارك معكم بزاف ديال الشلايد من هناقدام مع هذ الحراره هذه وصافي هنا من بعد ما خلطت الخضره مزيان مزيان غادا نفرغها في الطبق ديال التقديم بالنسبه لهذ الشلادهه هذه راه كتجي زوينه بزاف كتعطينا كميه اللي هي كبيره وكتجي زوينه لا في الشكل ولا في المذاق نتناولوها هكا غير في الغداء ولا في العشاء وخا نديروها غير بوحدها بلا ما نرافقوا معها حتى شي حاجه صافي هنايا غ نحاول انني نقادها مزيان مزيان في طبق التقديم درتها في هذا الطبق كبير الاذا بغيتوا ديروها بشكل فردي كل واحد دير ليه طبيسيل دياله كتجي زوينه بزاف وهنا بالنسبه لصفار البيض اللي حكيت من قبل ما كتشوفوا معايا هنا كنديرو غير من الفوق هذه كمرحله اختياريه فقط كيعطينا شكل اللي زوين للشلاده ما بغيتوش ديروا هذ الطريقه هذه غتخلطوه مع شلاده من الاول ولا غتحيدوه ودير غير البياض البيض صافي هنا خديت شويه المايونيز اللي درته في بلاستيكه و صافي وغندير به خطوط هكا من الفوق لا كان عندكم حتى الزيتون الكحل ديروا هكا حبيبات من فوق طبق التقديم تيجي زوين بزاف هنا الفيديو راه كيوصل النهايه دياله الا كنتوا كتشوفوا الفيديو حتى لهذ اللحظه هذه كنشكركم بزاف على المشاهدات ديالكم ونتمنى ان الوصفه تجربوها راها ساهله ما شفتوا معايا ما فيهاش بزاف ديال المكونات كتوجد لنا في مده اللي هي قصيره وهذا هو الشكل النهائي ديال الطبق ديال اليوم نتمنى يعجبكم وتجربوه نتلاقاو في فيديو جديد ووصفه جديده ان شاء الله مع السلامه

#سلطة_البطاطس
#سلطات_باردة